МІНСК, 9 кас — Sputnik. За тры дні датэрміновага галасавання на выбарах прэзідэнта Беларусі на ўчасткі прыйшлі 18,69% выбаршчыкаў ад агульнай колькасці ўключаных у спісы, паведамляецца на сайце Цэнтрвыбаркама.
Датэрміновае галасаванне пачалося ў Беларусі 6 кастрычніка і будзе доўжыцца да 10 кастрычніка ўключна.
Паводле інфармацыі ЦВК, у Брэсцкай вобласці прагаласавалі 17,3%, Віцебскай — 19,99%, Гомельскай — 19,19%, Гродзенскай — 19,48%, Мінскай — 19,21%, Магілёўскай — 19,53%, у Мінску — 17,03%, за межамі рэспублікі — 15,04%. Акрамя гэтага, за межамі Беларусі прагаласавалі 15,04% выбаршчыкаў. Усяго ў спісы для галасавання на выбарах прэзідэнта Беларусі ўключана амаль сем мільёнаў выбаршчыкаў.
У прэзідэнцкіх выбарах удзельнічаюць чатыры кандыдаты: дзеючы кіраўнік дзяржавы Аляксандр Лукашэнка, лідэр Ліберальна-дэмакратычнай партыі Беларусі Сяргей Гайдукевіч, лідэр Беларускай патрыятычнай партыі Мікалай Улаховіч і актывістка кампаніі "Гавары праўду" Таццяна Караткевіч.
Асноўны дзень выбараў — 11 кастрычніка.
