МІНСК, 11 кас — Sputnik. Беларуская апазіцыя павінна выконваць закон, выбары ў краіне скончацца ў 20.00, заявіў дзейны кіраўнік дзяржавы Аляксандр Лукашэнка, адказваючы на пытанні журналістаў пасля таго, як прыняў удзел у галасаванні на выбарах прэзідэнта Беларусі на выбарчым участку №1.
"Выбары скончацца ў дваццаць гадзін — ну дык давайце з гэтага часу пачнем жыць па законах. Калі вы не пяройдзеце рубікон, мы нікога тут не будзем лавіць і мачыць. Але калі так — як гаворыцца, мужыкі, не крыўдуйце, вы ведаеце, што будзе", — сказаў Лукашэнка.
Ён падкрэсліў, што высунуў "жалезнае" патрабаванне не перашкаджаць акцыям апазіцыі ў дні перад выбарамі.
"Я даў жалезнае патрабаванне забараніць любыя рухі цела, сказаў нікога не чапаць, нават калі яны парушаюць заканадаўства", — сказаў прэзідэнт.
Пры гэтым ён заўважыў, што нават на суботняй несанкцыянаванай акцыі апазіцыі "не было ніводнага міліцыянта".
"Калі вы і далей будзеце жыць на замежныя гранты, або ваша СМІ будзе на іх функцыянаваць, мы будзем казаць аб гэтым людзям, каб яны ведалі праўду", — сказаў прэзідэнт.
