МІНСК, 11 кас — Sputnik. Дзейны кіраўнік дзяржавы Аляксандр Лукашэнка назваў прагрэсіўным факт удзелу ў выбарах кандыдата-жанчыны, аднак падкрэсліў, што беларускае грамадства яшчэ не гатова да кіравання прэзідэнтам "у спадніцы".
Адказваючы ў нефармальнай абстаноўцы на пытанне беларускіх журналістаў на пытанне аб тым, як ён расцэньвае ўдзел у выбарах Таццяны Караткевіч, Лукашэнка заўважыў, што прэзідэнт, акрамя сваёй асноўнай працы, выконвае яшчэ цэлы шэраг дзяржаўных функцый, напрыклад, з'яўляецца галоўнакамандуючым узброеных сіл.
"Напэўна, грамадства яшчэ не гатова, каб прэзідэнтам была жанчына. Галоўнакамандуючы жанчына — ну што гэта такое…", — сказаў прэзідэнт.
Ён раскрытыкаваў заяву Караткевіч пра тое, што яна за свае радыкальныя выказванні магла падвергнуцца нейкім рэпрэсіям з боку КДБ.
"Яна яшчэ малады палітык, трэба акуратней падбіраць словы", — сказаў Лукашэнка.
Акрамя таго, ён нагадаў, што беларускім уладам добра вядома палітычнае мінулае жонка Караткевіч, які, па словах кіраўніка дзяржавы, з'яўляўся прадстаўніком радыкальнага руху "Зубр".
У той жа час ён заўважыў, што гатовы разгледзець ўсіх сваіх апанентаў на выбарах і іх каманды ў якасці магчымых прэтэндэнтаў на дзяржаўныя пасады, але толькі ў тым выпадку, калі ўбачыць у iх неабходныя дзелавыя якасці.
