МІНСК, 13 кас — Sputnik. Учора стваральнікі песні "Про любовь/Про любов/Пра любоў" прадставілі грамадскасці кліп. Над відэаверсіяй песні працавалі рэжысёр Арцём Лобач, аператар Аляксандр Алейнікаў і мастак Насця Шостак.
Прэм'ера песні "Про любовь/Про любов/Пра любоў" прайшла ў інтэрнэце ў чэрвені. Трэк, напісаны лідэрам калектыву зімой, быў пераведзены на ўсходнеславянскія мовы беларускім паэтам Андрэем Хадановічам і ўкраінскай журналісткай Дашай Кветкінай з Марыўпаля.
Зараз група Naka рыхтуе да выдання першы ў гісторыі цалкам беларускамоўны альбом. Ужо вядомая ягоная назва — "Мая Малітва". У сеціве ён павінен з'явіцца ў канцы лістапада. Вялікая прэзентацыя альбома пройдзе ў Мінску ў клубе Re: Public 18 сакавіка.
