МІНСК, 20 кас — Sputnik. Папярэднюю замову на дыск можна зрабіць ужо зараз на iTunes.
У новым відэароліку музыкі гурта Trubetskoy з дапамогай нейкага магічнага рытуалу (істотную ролю ў ім адыгрываюць сігары ды віскі) ажыўляюць мёртвую нявесту, пасля чаго яна вельмі яскрава танчыць стрып-дэнс. Рэжысёрам кліпа стаў Віталь Сідарук, які не аднойчы працаваў з "Ляпісам Трубяцкім".
"Я вельмі люблю 90-я, і мне хацелася ў гэтым відэа дамагчыся карцінкі, як у амерыканскіх фільмах 90-х. Там наогул шмат пародый: напрыклад, калі нявеста прачынаецца — гэта 100-пудовы індыйскі хорар, проігрыш — гэта комікс, ну і гэтак далей. А яшчэ гэта мой першы досвед кліпа з раскадроўкай, таму што звычайна у мяне проста ідзе паток свядомасці. І гэта, дарэчы, мне вельмі спадабалася", — распавядае рэжысёр кліпу.
У дэбютным альбоме гурта Trubetskoy не будзе аніводнай выдадзенай раней песні. Канцэртныя прэзентацыі Magister Bibendi адбудуцца 4 лістапада ў Санкт-Пецярбургу, 5-га ў Архангельску, 8-га ў Кіеве, 15-га ў Маскве. Першыя выступы з новым альбомам у Беларусі адбудуцца 20 лістапада ў Віцебску і 4 снежня ў Гомелі.
Теперь, куда ни посмотри,
Повсюду эти упыри,
А ну-ка, дьявол - раз, два, три!
Акцизных малых
На радость пьяницам свари
В своих подвалах!
Роберт Бёрнс, "Шотландский виски".
