БФБ аб біятланістцы Ільчанка: мяч на баку Саюза біятланістаў Расіі

© Sputnik / Павел Лисицын / Перайсці ў медыябанкРасійская біятланістка Хрысціна Ільчанка
Расійская біятланістка Хрысціна Ільчанка - Sputnik Беларусь
Падпісацца на
НовостиTelegram
У федэрацыі не выключылі магчымасці выхаду Ільчанка ў складзе беларускай зборнай ужо ў гэтым сезоне, але, як падкрэслілі ў БФБ, трэба яшчэ атрымаць грамадзянства.

МІНСК, 22 кас — Sputnik. Беларуская федэрацыя біятлона адправіла запыт у Саюз біятланістаў Расіі з просьбай дазволіць выступаць расійскай біятланістцы Хрысціне Ільчанка ў складзе зборнай Беларусі, паведамілі ў БФБ.

Раней у СМІ з'явілася інфармацыя аб тым, што 22-гадовая спартсменка выказала жаданне выступаць за беларускую зборную. Прыводзіліся таксама словы дзяржаўнага трэнера каманды Юрыя Альберса: "Узровень яе (Ільчанка) падрыхтоўкі дастатковы, каб прыняць яе ў беларускую зборную". 
"Першае што трэба (для выступлення за Беларусь — Sputnik) гэта дазвол Саюза біятланістаў Расіі. Аднаго жадання яе мала. Як толькі СБР разгледзіць яе просьбу, тады можна будзе размаўляць далей. Калі не будзе дазволу, нічога не будзе наогул. Мяч на іх баку ", — распавялі ў тэлефоннай размове з карэспандэнтам Sputnik ў БФБ.

Па словах суразмоўцаў агенцтва, калі б Расіі Ільчанка была б не патрэбна, то СБР даўно даў бы згоду на пераход біятланісткі ў склад зборнай Беларусі. "Спартсменка яна цікавая, перспектыўная", — растлумачылі ў БФБ.

"Але зноў жа яна павінна яшчэ прайсці натуралізацыю (працэс атрымання грамадзянства — Sputnik), а гэта не хуткі працэс", — адзначылі ў федэрацыі, не выключыўшы таго, што Ільчанка ўжо ў гэтым сезоне можа выйсці на старт у складзе беларускай каманды. Ільчанка з'яўляецца трохразовай чэмпіёнкай свету па летнім біятлоне сярод юніёраў.

Стужка навiн
0