МІНСК, 23 кас — Sputnik. Літаратурны музей Петруся Броўкі ў межах праекта "Сустрэча з аўтарам" запрасіў Адама Глобуса з прэзентацыяй кнігі "Гісторыі пра Мінск і ваколіцы".
Новая кніга Адама Глобуса — гэта гісторыі, якія адбываюцца ў Мінску. Героі кнігі надзвычайныя і, без усялякага перабольшання, казачныя. Тут можна сустрэцца і з сінім Чортам у мясцовым клубе, і з бірузовай лялькай, якая сама сябе падпальвае, і з іншымі нячысцікамі.
Для таго каб чытач цалкам не згубіўся ў міфалагізаванай прасторы Мінска, Адам Глобус падзяліў гісторыі на чатыры часткі: пра людзей, пра рэчы і з'явы, пра горад і пра жывёл. Кожная частка напоўненая кароткімі, але вельмі насычанымі і гумарыстычнымі, поўнымі іроніяй тэкстамі.
На прэзентацыі кнігі "Гісторыі пра Мінск і ваколіцы" вы даведаецеся пра гісторыю напісання кнігі, а таксама зможаце атрымаць кнігу з аўтографам аўтара — Адама Глобуса.
Дзе: літаратурны музей Пятруся Броўкі
Калі: 4 лістапада 2015 года а 19-й гадзіне
