МІНСК, 28 кас — Sputnik. Сезонны каток запрацаваў ля Палаца Спорту. Графік працы такі жа, як і ў мінулым годзе: з 11:00 да 22:45. У дзень будзе ўсяго 12 сеансаў (кожную гадзіну), пасля кожнага — заліванне.
Адначасова могуць узяць канькі 700 гасцей, прадстаўленыя памеры — ад 28-га да 46-га. Дарэчы, акрамя проста аматараў канькоў, тут будуць займацца маладыя хакеісты.
У будні квіток абыдзецца ў 20 000 рублёў для дзяцей і ў 40 000 — для дарослых. У выхадныя, магчыма, кошт будзе крыху вышэй. Дарэчы, па суботах і нядзелях плануюць арганізаваць на катку платнае навучанне. Узяць канькі на пракат можна за 30 000, а завастрыць уласныя — за 40 000 рублёў. Будуць прадаваць абанементы на 10 і 20 сеансаў.
