МІНСК, 29 кас — Sputnik. Майстар-клас па кадрылі ў парку Горкага правядзе збіральнік, даследчык і папулярызатар беларускай народнай танцавальнай культуры, этнапедагог, арганізатар фальклорных фэстаў Мікола Козенак.
31 кастрычніка а 17 гадзіне абвешчаны збор жадаючых навучыцца самым працяглым і складаным танцам — кадрылі. Майстар-клас пройдзе ў цагляным будынку на цэнтральнай алеі.
Перад тым як прыйсці на тынцы, маральна падрыхтуйцеся — вас чакае не самы просты ўрок у жыцці.
Кадрыль развілася з сельскага танца і спачатку ўтрымоўвала пяць фігур з наступнымі французскімі назвамі:
- Le Pantalon (штаны; назва папулярнай французскай песенькі);
- L'été (лета);
- La Poule (курыца);
- La Pastourelle (пастараль);
- Finale (Фінал).
Фігура Le Pantalon з'явілася ў 1786 годзе дзякуючы танцмайстру Венсану, што складаў Контрданс з такой назвай. Фігура L'été таксама была складзеная Венсаном прыкладна ў той жа час. Аўтарства трэцяй фігуры, La Poule, якая з'явілася ў 1800 годзе, прыпісваецца Жульену. Сваёй назвай яна абавязана мелодыі, у якой імітуецца курынае кудахтанне.
Фігура La Pastourelle з'явілася ў 1812 годзе — мелодыя песенькі Gentille прыйшлася да спадобы парыжанам. Выконвалася альбо 4-й, альбо 5-й фігурай — у апошнім выпадку ў фінале фігуры рабіліся шасі-круазе і паўтарэнне ронда.
Фігура La Trénis названая ў гонар танцоўшчыка Трэніца, які адрозніваўся сваёй элегантнасцю ў танцы.
Апошняя фігура канчалася галопам у вольнай форме (ad libitum).
Дзе: парк Горкага
Калі: 31 кастрычніка, 17:00
