“Цмокі-Мінск” адмовіліся ад рускамоўнага сайта

© Sputnik / Алексей Филиппов / Перайсці ў медыябанкБаскетбольная корзина
Баскетбольная корзина - Sputnik Беларусь
Падпісацца на
НовостиTelegram
Прыхільнікі “Цмокаў” неадназначна адрэагавалі на татальную беларускамоўнасць сайта. Цяпер прачытаць пра "драконаў" на афiцыйнай старонцы можна толькі на беларускай і англійскай мовах.

Мінск, 3 ліст — Sputnik. Баскетбольны клуб "Цмокі-Мінск" адмовіўся ад рускамоўнай версіі свайго афіцыйнага сайта. Прыхільнікі сустрэлі такую ўсеабдымную беларускамоўнасць неадназначна, разам з каментарамі "Так трымаць!" на форуме Pressball з'явіліся незадаволеные водгукі.

"Хочется спросить: а для чего ее, более слабую, искусственно развивать? Сродни тому, чтобы искусственно поддерживать заводы производящие продукцию, востребованную тридцать лет назад, но совершенно ненужную сейчас", — па-руску абураецца адзін з фанатаў клуба і дадае, што штучная падтрымка мовы можа дайсці да таго, што "Гогаля пачнем чытаць па-беларуску".

Тут жа знаходзяцца прыхільнікі не толькі "Цмокаў", але ж і мовы. "А што ў гэтым дрэннага? Піяр-кампанія падаецца асабіста мне надзвычайна ўдалай. Абудзіць цікавасць да мовы праз прызму захаплення баскетболам (спортам) і наадварот. Выдатна!" — хваляць крок кіраўніцтва клуба да беларусізацыі беларускамоўныя фанаты.

Прэс-аташэ "Цмокаў" патлумачыў, што ніякіх забаронаў адной мовы на карысць іншай няма: для тых, хто не хоча чытаць па-беларуску, існуе англамоўная версія сайта.

Баскетбольны клуб "Цмокі-Мінск" яднае ў сабе тры прафесійныя баскетбольныя каманды.

Стужка навiн
0