Мінск, 4 ліст — Sputnik. Манеты будуць уведзены ў абарот упершыню за час незалежнасці Беларусі. Нацыянальны банк прадугледзеў восем манет, у беларусаў нарэшце з'явяцца капейкі.
Цікава, што ў прэзентацыі, падрыхтаванай Нацбанкам, на ўзорах грошай стаіць факсімільны подпіс экс-старшыні Пятра Пракаповіча і дата выпуску — 2009 год.
"Працэс дэнамінацыі носіць тэхнічны характар і не ўплывае на пакупніцкую здольнасць беларускага рубля, курс нацыянальнай валюты ў адносінах да замежных валют, а таксама ўзровень інфляцыі", — гаворыцца ў паведамленні Нацыянальнага банка.
Таксама ў банку ўдакладнілі, што з 1 ліпеня 2016 года будуць пералічаныя зарплаты, пенсіі, стыпендыі, рэшткі грашовых сродкаў на банкаўскіх рахунках, балансы прадпрыемстваў і ўстаноў і гэтак далей. Цэны таксама будуць пералічаныя з разліку 1:10000.
