МІНСК, 13 ліс — Sputnik. Тэатралізаваная прэзентацыя рамана аднаго з самых вядомых польскіх аўтараў дэтэктыву Зыгмунта Мілашэўскага "Доля праўды". Прэзентацыя ладзіцца ў межах "Месяца польскай літаратуры з кнігарняй "логвінаЎ", які распачаўся два тыдні таму прэзентацыяй перакладу кнігі Эвы Ліпскай "Дзень усіх жывых".
Штотыднёва ў кнігарні і галерэі "Ў" ладзяцца імпрэзы, прысвечаныя польскай літаратуры. Гэтым часам удзел у прэзентацыі возьмуць акцёр Купалаўскага тэатра Раман Падаляк і перакладчыца Марына Казлоўская. Імпрэза пройдзе ў Ў-бары, а вядучым выступіць Андрэй Хадановіч.
Дзе: Ў-бар
Калі: 18 лістапада, а 19 гадзіне.
