МІНСК, 14 ліс — Sputnik. Звестак аб грамадзянах Беларусі, якія пацярпелі падчас пятнічных тэрактаў у Парыжы, пакуль няма, паведаміла Міністэрства замежных спраў рэспублікі ў афіцыйным акаўнце ў Twitter.
"Пасольства Беларусі ў Парыжы адсочвае сітуацыю. На дадзены момант звестак аб пацярпелых у выніку тэрактаў грамадзянах нашай краіны няма", — гаворыцца ў паведамленні беларускага знешнепалітычнага ведамства.
Ўзброеныя напады і выбухі практычна адначасова адбыліся ў сямі раёнах Парыжа. У найбуйнейшым ў гісторыі Францыі тэракце, паводле папярэдніх звестак, загінулі 140 чалавек.
Восем тэрарыстаў, па інфармацыі французскіх СМІ былі знішчаныя падчас нападаў у Парыжы, адзін — меркавана з тэрарыстычнай групоўкі "Ісламская дзяржава" — затрыманы.
