МІНСК, 14 ліс — Sputnik. Служба аховы дзяржаўнай мяжы Літвы апавясціла Дзяржаўны памежны камітэт Беларусі аб тым, што на беларуска-літоўскай мяжы ўводзяцца ўзмоцненыя меры бяспекі, паведамілі Sputnik ў Смаргонскай пагранічнай групе.
Чэргі з машын ўтварыліся ў суботу ў "Каменным Логу" і "Катлоўцы".
Раней там паведамілі, што на беларуска-літоўскай мяжы раніцай у суботу ўтварыліся значныя чэргі на выезд з Беларусі.
"Служба аховы дзяржаўнай мяжы Літвы праінфармавала Дзяржаўны памежны камітэт Рэспублікі Беларусь аб увядзенні ўзмоцненых мер забеспячэння бяспекі ў пунктах пропуску праз мяжу", — сказалі ў групе.
У групе рэкамендуюць беларусам улічваць гэтую інфармацыю пры выбары маршруту руху або ўстрымацца ад паездак па гэтым напрамку.
