МІНСК, 18 ліс — Sputnik. Парыжане, якіх паліцыя не падпускае да тэатра "Батаклан", таму што там праводзяцца следчыя мерапрыемствы, прыносяць кветкі і запальваюць свечкі насупраць будынка.
Акрамя гэтага, французы працягваюць наведваць плошчу Рэспублікі, дзе пакідаюць кветкі, свечкі і фатаграфіі тых, хто знік або загінуў падчас тэрактаў.
Увечары 13 лістапада ў Парыжы адбылася серыя тэрактаў. Невядомыя адкрылі стральбу ў адным з рэстаранаў, тры выбухі прагучалі ў непасрэднай блізкасці ад стадыёна "Стад дэ Франс", дзе праходзіў таварыскі матч футбольных зборных Францыі і Германіі, на якім прысутнічаў французскі прэзідэнт Франсуа Аланд. Акрамя таго, на рок-канцэрце ў тэатры "Батаклан" невядомыя захапілі закладнікаў. Па апошніх дадзеных, загінулі 132 чалавекі, каля 300 параненыя.
