Спартовае харчаванне дазволяць прадаваць у e-шопах

© www.pexels.comИнтернет-пользователь
Интернет-пользователь - Sputnik Беларусь
Падпісацца
Паводле інфармацыі ведамства, з пачатку года колькасць інтэрнэт-крам павялічылася амаль на 47%.

МІНСК, 18 ліс — Sputnik. Міністэрства гандлю збіраецца дазволіць продаж праз інтэрнэт-крамы спартыўнага харчавання і ювелірных вырабаў вытворцаў.

"Прапрацоўваецца пытанне аб дазволе продажу праз інтэрнэт-крамы ювелірных вырабаў вытворцамі, а таксама прадукцыі для харчавання спартсменаў пры наяўнасці гандлёвага аб'екта", — заявіла ў сераду намеснік міністра гандлю Ірына Наркевіч на пасяджэнні калегіі ведамстваў, паведамляе БелТА.

Яна адзначыла, што сістэма е-шопаў у Беларусі развіваецца дынамічна

Па словах Наркевіч, у цяперашні час зарэгістравана больш за 17 тысячаў інтэрнэт-крамаў, з якіх амаль палова належаць юрыдычным асобам, больш за палову — індывідуальным прадпрымальнікам.

Намеснік міністра адзначыла, у параўнанні з пачаткам года колькасць інтэрнэт-крам павялічылася амаль на 47%. Разам з тым яна падкрэсліла, што інтэрнэт-гандаль знаходзіцца пад пастаянным кантролем Мінгандлю.

У гэтым годзе складзена 130 пратаколаў за парушэнне правілаў гандлю. Судамі ужытыя штрафныя санкцыі на суму 49.500.000, што ў 2,3 разы больш у параўнанні з адпаведным перыядам мінулага года, адзначыла намеснік міністра.

Стужка навiн
0