Telegram заблакіраваў 78 чатаў тэрарыстаў ІД

© REUTERS / Dado RuvicЛоготип ИГ на экране смартфона
Логотип ИГ на экране смартфона - Sputnik Беларусь
Падпісацца
Распрацоўшчыкі мессенджера анансавалі з'яўленне ў дадатку функцый, якія дазваляюць праінфармаваць адміністрацыю ў выпадку выяўлення падазронай інфармацыі.

МІНСК, 19 ліс — Sputnik. Мессенджер Telegram пачаў масавае блакіраванне чатаў, у якіх свае дзеянні каардынавалі тэрарысты з радыкальнай арганізацыі "Ісламская дзяржава", на бягучы момант заблакіравана 78 публічных каналаў, у якіх размовы вяліся на 12 мовах.

У сваім афіцыйным мікраблогу ў Twitter кампанія паведаміла, што занепакоеная папулярнасцю сістэмы ў тэрарыстаў.

Таксама каманда мессенджера анансавала з'яўленне новых функцый у праграме, з дапамогай якіх можна будзе праінфармаваць адміністрацыю ў выпадку выяўлення падазронага кантэнту.

У той жа час распрацоўшчыкі запэўніваюць, што свабода слова і прынцып шыфравання, які выкарыстоўвае праграма, не стануць ахвярай.

"Да прыкладу, калі крытыка ўладаў незаконная ў пэўнай краіне, сэрвіс не будзе інструментам цэнзуры. Гэта нашы базавыя прынцыпы", — паведамілі распрацоўшчыкі.

Тым часам многія прадстаўнікі кампаній і спецслужбаў кажуць аб неабходнасці блакіроўкі усяго мессенджера Тэлеграма, бо з-за сістэм шыфравання, якія выкарыстоўвае сэрвіс, камунікацыю ў ім вельмі складана адсачыць.

Стужка навiн
0