МІНСК, 19 ліс — Sputnik. Саюз біятланістаў Расіі (СБР) падпісаў пагадненне аб партнёрстве з канцэрнам "Калашнікаў", згодна з падпісаным дакументам вытворца стралковай зброі распрацуе для расійскіх спартсменаў найноўшыя вінтоўкі, паведамілі ў сераду ў прэс-службе СБР.
"Дакумент прадугледжвае ўзмацненне кааперацыі бакоў у распрацоўцы і вытворчасці расійскай зброі для біятлона, адпаведнага сучасным патрабаванням і перадавым тэндэнцыям у прафесійным спорце. Для гэтага СБР і Канцэрн маюць намер узмацніць кааперацыю ў метадычнай, экспертна-аналітычнай і навукова-даследчай працы ў галіне вытворчасці айчынных вінтовак для спартыўнай дысцыпліны біятлон, а таксама правядзення іх тэставых выпрабаванняў", — гаворыцца ў паведамленні прэс-службы.
Па словах генеральнага дырэктара канцэрну Аляксея Крываручанка, "Калашнікаў" прыкладзе ўсе намаганні для таго, каб на зімовай Алімпіядзе-2018 расійскія біятланісты ўжо маглі страляць з мадэрнізаваных іжэўскіх вінтовак.
Канцэрн "Калашнікаў" заўсёды меў кампетэнцыю ў распрацоўцы і вытворчасці высакаякасных вінтовак для біятлона. Гэтая кампетэнцыя сёння не страчана, наадварот мы маем намер яе развіць. Аб'яднанне намаганняў з Саюзам біятланістаў Расіі дасць магчымасць стварыць спрыяльныя ўмовы для паскарэння развіцця гэтага віду стралковай прадукцыі, адпаведнага сучасным патрабаванням.
Прэзідэнт СБР Аляксандр Краўцоў адзначыў, што партнёрства з "Калашнікавым" дазволіць "паскорыць працэс імпартазамяшчэння і адрадзіць славу расійскай зброі".
"Я ўпэўнены, што наша сумесная праца будзе садзейнічаць укараненню самай сучаснай зброі, адпаведнай перадавым тэндэнцыям у прафесійным спорце", — падкрэсліў Краўцоў.
