МІНСК, 20 ліс — Sputnik. Еўрасаюз прыняў рашэнне ў пятніцу "неадкладна" зрабіць больш жорсткім кантроль на знешніх межах саюза, паведамляе РІА Навіны са спасылкай на агенцтва "Франс Прэс".
Як паведамілі агенцтву крыніцы, знаёмыя з сітуацыяй, 28 краін Еўрасаюза такім чынам адрэагавалі на заклік Францыі падвергнуць грунтоўнаму перагляду Шэнгенскае пагадненне, каб дамагчыся "сістэматычных" праверак ўсіх грамадзян ЕС на межах. Рашэнне было прынята на экстраным міністэрскім пасяджэнні ў Бруселі. Паведамляецца, што ўзмоцненаму кантролю падвергнуцца ўсе, хто ўязджае на тэрыторыю ЕС, у тым ліку жыхары дзяржаў-членаў саюза.
Раней прэм'ер-міністр Францыі Мануэль Вальс у эфіры радыёстанцыі France Inter заяўляў, што Еўропе патрэбныя дадатковыя меры кантролю за вонкавымі межамі. Кіраўнік Кабміна заявіў, што Шэнгенская зона прадугледжвае свабоднае перамяшчэнне ўнутры зоны, але неабходныя трывалыя вонкавыя межы для процідзеяння тэрарызму, кантрабандзе (зброі), нелегальнай міграцыі.
