МІНСК, 22 ліс — Sputnik. Па Беларусі ў панядзелак прагназуецца паніжэнне тэмпературы, па паўночным рэгіёне начныя мінімумы будуць дасягаць сямі градусаў марозу, на асобных участках дарог — галалёдзіца, паведамілі Sputnik ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Па дадзеных сіноптыкаў, у панядзелак, 23 лістапада, будзе воблачна з праясненнямі. У асобных раёнах магчымыя невялікія ападкі ў выглядзе дажджу і мокрага снегу.
Ноччу і раніцай месцамі чакаецца туман, слабы галалёд, на асобных участках дарог — галалёдзіца. Вецер пераменных напрамкаў слабы да ўмеранага.
Тэмпература паветра ўначы складзе ад мінус трох градусаў (па поўначы ад мінус васьмі) да плюс трох градусаў. Днём будзе нуль — плюс пяць градусаў.
