Мінскія скульптуры і паданні пра іх

У ста метрах ад вакзала знаходзіцца Міхайлаўскі сквер. Народ кажа, што калі самотны малады чалавек прысядзе на лаўку побач з "гараджанкай", патрымае яе за руку і пагладзіць па каленцы, то абавязкова знойдзе сабе нявесту і абавязкова мінчанку.

Не варта абмінаць "Дзяўчынку з парасонам". Яна засцерагае мінчукоў ад бяды. Калі пагладзіць парасон, то ты на сёння ў бяспецы.

Лахоўскі Вася пастаянна просіць запаліць. Мяркуючы па нацёртых пальцах гэта яму ўдаецца. Кажуць, калі ўкласці яму ў пальцы цыгарэту, поспех на ўвесь дзень гарантаваны. А калі ўкласці ўвесь пачак то і здароўя дабавіцца.

Галоўная славутасць "Камароўкі" - скульптура бабкі, якая гандлюе семкамі. Калі пакласці трохі грошай каля шклянак, то ў кашальку іх не зменшыцца. І калі пры гэтым загадаць жаданне, яно абавязкова спраўдзіцца.

Каля ўваходу на адкрыты кірмаш усталявана скульптура каня - выканаўца жаданняў.

Каб жадання спраўдзілася, трэба сесці верхам і пацерці вераб'я. Птушка настолькі папулярна, што ўжо пачынае сцірацца.

З іншага боку фантана знаходзяцца дама з сабачкам і фатограф. Для паспяховага дня раяць пагладзіць сабачку і абняць даму за стан.

Выява фатографа ля Камароўскага рынку.

"Гандляр" або "Дзядзька Антось з гусаком і парасём". Хоць усталяваны ён адносна нядаўна але ўжо паспеў атрымаць некаторыя містычныя славутасці. Калі пакратаць дзюбу гусака то ўсе непрыемнасці сыдуць як "з гусака вада", акалі паціснуць руку Антосю - быць дабру.

Яшчэ на тэрыторыі Камароўскага рынку нядаўна з'явіліся бегемот, жыраф і львёнок на чарапасе. Яны адносна маладыя і ім напэўна яшчэ не прыдумалі сваіх легенд. Але ўсё яшчэ наперадзе.

Новыя скульптуры ля Камароўскага рынку.

Новыя скульптуры ля Камароўскага рынку.