МІНСК, 1 сне — Sputnik. Снежань будзе цёплым, а вялікую частку месяца Беларусь будзе знаходзіцца ва ўладзе атлантычных цыклонаў, якія перакрываюць паступлення халоднага арктычнага паветра, паведаміў Sputnik ў аўторак начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Дзмітрый Рабаў.
"Большую палову снежня на Беларусі будуць гаспадарыць атлантычныя цыклоны, якія перакрыюць паступленні халоднага арктычнага паветра. І магутны струмень атлантычнага цяпла накрые ўсю Беларусь. Так што, жыхароў краіны, у большасці дзён чакае цёплае, сырое і ветранае надвор'е", — распавёў спецыяліст.
Рабаў таксама адзначыў, што сярэдняя тэмпература паветра ў снежні чакаецца вышэй за кліматычную норму (ад —2ºС на паўднёвым захадзе да —5ºС на паўночным усходзе).
Таксама сіноптыкі прагназуюць пахаладанне ў трэцяй дэкадзе снежня, аднак яно будзе непрацяглым. Большую частку дзён ападкі будуць насіць змяшаны характар: мокры снег з дажджом.
"У снежні бывае 3-15 дзён з туманамі і галалёд, 2-5 дзён з мяцеліцай, 18-21 дні з ападкамі. Працягласць сонечнага ззяння за месяц складае 24-33 гадзіны", — рэзюмаваў эксперт Гідрамета.
