МІНСК, 1 сне — Sputnik. Першы Еўразійскі форум маладых навукоўцаў адкрыўся ў Мінску ў Нацыянальнай акадэміі навук Беларусі, перадае карэспандэнт Sputnik.
У Young Eurasian Scientist Forum (YES-Forum) прымаюць удзел каля 100 навуковых работнікаў з краін Еўразійскага эканамічнага саюза — Расіі, Беларусі, Казахстана і Арменіі, а таксама дзяржаў СНД, Турцыі, Германіі, Славакіі. Фармат мерапрыемства прадугледжвае прэзентацыю навуковых праектаў маладых аўтараў па трох асноўных напрамках: матэрыялазнаўства, навукі аб жыцці і сацыяльна-гуманітарныя навукі. Асноўная мэта мерапрыемства — аб'яднаць на адной пляцоўцы маладых вучоных краін ЕАЭС, якія працуюць над буйнымі міждысцыплінарнымі праектамі, якія накіраваны на вырашэнне глабальных, фундаментальных і прыкладных задач у навуцы.
"Форум закліканы паказаць, што маладыя навукоўцы сёння — гэта амбіцыйныя людзі, якія могуць ставіць сур'ёзныя мэты і вырашаць цяжкавыканальныя задачы. У Мінск прыехалі людзі, якія гатовыя праводзіць навуковую інтэграцыю ўслед за эканамічнай інтэграцыяй у рамках ЕАЭС", —сказаў Sputnik адзін з са- арганізатараў форуму Аляксей Труханаў.
Вучоны ўпэўнены, што ў Мінска ёсць вялікі патэнцыял стаць адным з цэнтраў навуковага турызму на постсавецкай прасторы ў сілу таго, што ў Беларусі захаваліся некалькі вядучых навуковых школ па розных напрамках фундаментальных і прыклад даследаванняў. Пры гэтым Труханаў канстатаваў адставанне з развіццём матэрыяльна-тэхнічнага забеспячэння ў навуковай дзейнасці.
Маладыя навукоўцы разлічваюць праводзіць падобныя сустрэчы адзін раз у два гады з ратацыяй месца правядзення. Наступнае мерапрыемства аргкамітэт плануе арганізаваць у Расіі.
