МІНСК, 7 сне — Sputnik. Частка сцяны будынка, які зараз знаходзіцца на рэканструкцыі па вуліцы Рэвалюцыйнай у цэнтры Мінска, раптоўна абрынулася, паведамілі Sputnik ў Мінскім гарадскім УМНС.
Паводле інфармацыі ратавальнікаў, у выніку здарэння ніхто не пацярпеў.
"Устаноўлена, што пры правядзенні будаўнічых работ па ўзмацненні сцен і падмурка адбылося абвальванне часткі фасаднай сцяны над аркай і дзвярным праёмам на плошчы 15 квадратных метраў", — сказалі ў МНС.
Ва ўпраўленні паведамілі, што трохпавярховы адміністрацыйна-гаспадарчы будынак, які быў пабудаваны ў 1850 годзе, зараз знаходзіцца на рэканструкцыі з рэстаўрацыяй.
Па дадзеных МНС, прычына здарэння выяўляецца.
