МІНСК, 11 сне — Sputnik. Артыст-загадка ўжо атрымаў персанальны рэспект ад Сяргея Шнурава, а яго відэаролікі сабралі некалькі мільёнаў праглядаў на YouTube.
Спачатку гэта выглядала, як жарт — барадаты дзядзька ў башлыку спявае дзіўным голасам пад балалайку і біт. Але песні хутка разышліся па інтэрнэце, затым Феафан выйшаў у афлайн і пачаў збіраць поўныя залы на канцэртах. Адным з пікавых момантаў у творчасці стаў кліп "Поле прытаптаць" з танцуючым мядзведзем. Феафан кажа, што ў сваёй творчасці нясе святло.
"Ёсць людзі, якія нясуць пазітыў. Гэта іншае. Пазітыў — гэта дакладнае "ха-ха". А святло — напаўненне энергіяй. Не каб рассмяшыць, а каб натхніць і парадаваць. Гэта і шчасце, і пазітыў у тым ліку, але святло — больш ёмістае паняцце. І яно абсалютна дакладна не азначае "супакой". Святло — гэта рух", — распавёў Феафан у інтэрв'ю сайту "Афиша воздух".
"Нарэшце з'явілася тое, што годна ўвагі. Актуальны, як ламінат, які імітуе дрэва, музычны праект", — напісаў пра Феафану ў сваім інстаграме Сяргей Шнураў, сабраўшы 20 тысяч лайкаў.
"Бачу, адчуваю патэнцыял чагосці няўяўна вялікага. Нібы ядзерны грыб, вырашчаны на садовым участку ў зоне рызыкоўнага земляробства садоўнікам-аматарам. "Нейраманах", спадзяюся, прарве парніковы поліэтылен сучаснасці. Амэн", — дадаў лідэр гурта "Ленінград".
Мінскі канцэрт Феафана пройдзе ў межах тура "Ядрён задор". Мядзведзь таксама абяцаў прыехаць.
Мерапрыемства адбудзецца 14 снежня ў сталічным клубе Re:Public, кошт квіткоў складае ад 370 да 470 тыс. рублёў.
