На набажэнстве прысутнічалі прадстаўнікі вышэйшага каталіцкага духавенства Беларусі, а таксама прадстаўнікi беларускай праваслаўнай царквы, уніяцкай царквы, шматлікія вернікі.
Кіраўнік Рымска-каталіцкай царквы ў Беларусі арцыбіскуп Тадэвуш Кандрусевіч сказаў, што Гуджэроцці пабудаваў у Беларусі "сапраўдны дом Папы".
1/10
© Sputnik / Виктор Толочко
Калі Гуджэроцці пад'ехаў да Архікафедральнага касцёла імя Святой Панны Марыі, храм быў поўны прыхаджанамі. Перад саборам яго сустракаў арцыбіскуп Кандрусевіч.
2/10
© Sputnik / Виктор Толочко
Арцыбіскуп Гуджэроцці адпрацаваў у Беларусі амаль чатыры гады. Да гэтага ён займаў пасаду апостальскага нунцыя Грузіі, Арменіі і Азербайджана. Цяпер ён прызначаны кіраўніком Прадстаўніцтва Святога Прастола ва Ўкраіне.
3/10
© Sputnik / Виктор Толочко
На развітальную імшу ў архікатэдру прыехалі каталіцкія святары з усіх рэгіёнаў Беларусі, а таксама каталікі-манахі, прадстаўнікі праваслаўнай і грэка-каталіцкай цэркваў.
4/10
© Sputnik / Виктор Толочко
Кіраўнік Рымска-каталіцкай царквы ў Беларусі мiтрапалiт арцыбіскуп Мінска-Магілёўскi Тадэвуш Кандрусевіч плакаў, калі прамаўляў у саборы развітальную прамову, звяртаючыся да Гуджэроцці.
5/10
© Sputnik / Виктор Толочко
Падчас развітальнай прамовы Гуджэроцці чытаў вершы Рыгора Барадуліна, да таго ж, прачытаў адну з заключных малітваў на беларускай мове.
6/10
© Sputnik / Виктор Толочко
Развітваючыся з прыхаджанамі, Гуджэроцці не толькі нагадаў захоўваць у сэрцы Бога, але і даў жыццёвы наказ, які тычыцца фінансаў. “Дапамажыце святарам зразумець, што фінансы належаць усім. Калі ксёндз памірае, і ў яго застаецца шмат грошай - гэта скандал", - сказаў Гуджэроці, звярнуўшыся да парафіянаў.
7/10
© Sputnik / Виктор Толочко
Некаторым вернікам пашчасціла прычасціцца з рук арцыбiскупа Гуджэроцці.
8/10
© Sputnik / Виктор Толочко
Арцыбіскуп лічыць, што касцёл у Беларусі ў часы ваяўнічага атэізму выстаяў дзякуючы сталым прыхаджанам, ён іх называе "бабулі". У сваёй прамове на італьянскай гэта слова ён прамаўляў каля 10 разоў.
9/10
© Sputnik / Виктор Толочко
Юныя скаўты не толькі прыносяць у Беларусь часціну Віфлiемскага агню для каталіцкіх парафій, але і ўдзельнічаюць ва ўсіх ўрачыстасцях касцёла.
10/10
© Sputnik / Виктор Толочко
Перад ад'ездам з Беларусі Гуджэроцці наведаў Будслаў, каб, паводле яго слоў, "памаліцца у цішыні" перад нябеснай заступніцай беларускіх каталікоў - іконай Божай Маці Будслаўскай.
