МІНСК, 14 сне — Sputnik. Больш за 50 населеных пунктаў у Баранавіцкім раёне апынуліся без электрычнасці ў панядзелак з-за абрыву ліній электраперадач, паведамілі Sputnik ў Брэсцкім абласным УМНС.
Лініі былі пашкоджаны ў выніку наліпання на іх мокрага снегу.
"У 03.30 у ЦОУ Баранавіцкага ГРАНС ад дыспетчара Баранавіцкага раёна электрычных сетак РУП "Брэстэнерга "Баранавіцкія электрасеткі" паступіла паведамленне аб аварыйным адключэнні электразабеспячэння ў 53 населеных пунктах раёна", — сказалі ў МНС.
Па дадзеных МНС, у выніку адключэння электразабеспячэння абясточана 1624 дома прыватнай жылой забудовы.
Як паведамілі ва ўпраўленні, на 07:00 электразабеспячэнне было адноўлена ў 24 населеных пунктах, працы працягваюцца.
У МНС таксама адзначылі, што на месцы аварыі працуюць 9 аварыйных брыгад, 34 чалавек, дзевяць адзінак тэхнікі Баранавіцкага раёна электрычных сетак РУП "Брэстэнерга "Баранавіцкія электрасеткі".
