МІНСК, 14 ліс — Sputnik. "Плебейскія гульні" — вынік літаратурнай працы Сіўко напрацягу апошніх пяці гадоў.
"Не прэтэндуючы на валоданне ісцінай у апошняй інстанцыі, пісьменнік падае і аналізуе падзеі сучаснага жыцця так, як яны яму бачацца ў звязку з яго асабістым жыццёвым досведам, уласнымі маральнымі прыярытэтамі", — так прэзентаваная кніга на сайце Саюза беларускіх пісьменнікаў.
У сваім першасным значэнні плебейскія гульні — гэта рэлігійныя гульні, якія праходзілі ў Старажытным Рыме ў сярэдзіне лістапада. Гульні арганізоўвалі плебейскай эдылы.
З трох змешчаных у выданні твораў у перыядычным друку раней з'яўляліся аповесць "Цымант" (у "Дзеяслове") і ўрыўкі з аднайменнай з назваю кнігі аповесці "Плебейскія гульні" (у "Літаратурнай Беларусі"). Аповесць "Дзве вясны дзяцей Прыяпа" апублікаваная ўпершыню.
Наклад выдання — 300 асобнікаў, яе ўжо можна набыць у кнігарні "Логвінаў".
Франц Сіўко — празаік і публіцыст, сталую літаратурную працу пачаў у 1983 годзе. Аўтар кніг прозы "3 чым прыйдзеш" (1991), "Апошняе падарожжа ў краіну ліваў" (1997), "Удог" (2001), "Ягня ахвярнае" (2003), "Асіметрыя" (2005), "Дзень Бубна" (2008), "Выспы" (2011), "Эдэм" (2014).
