МІНСК, 16 сне — Sputnik. Беларускія навукоўцы атрымалі першыя сур'ёзныя вынікі праграмы стварэння і даследавання кланаваных дрэў, паведаміў Sputnik загадчык лабараторыі генетыкі і біятэхналогій Інстытута лесу Нацыянальнай Акадэміі Навук Уладзімір Падутаў.
Праграма мікракаланальнага размнажэння дрэў пачала дзейнічаць у Беларусі пяць гадоў таму. За гэты час былі створаны шырокія плантацыі. Навукоўцы эксперыментавалі з пасадачным матэрыялам, адабраным у выніку селекцыі і зараз гатовыя гаварыць аб практычнай карысці такіх даследаванняў.
"Цяпер патрабуецца павелічэнне прадуктыўнасці з аднаго гектара пакрытай лесам плошчы. Намі была праведзена вялікая селекцыйная праца для таго каб атрымаць большую колькасць пасадкавага матэрыялу, з якім можна працаваць", — распавёў Sputnik Падутаў.
Зараз Інстытутам лесу НАН Беларусі распрацаваны метад, дзякуючы якому ад аднаго дрэва можна атрымаць дзясяткі тысяч саджанцаў. Гэтая распрацоўка, на думку навукоўцаў, пазітыўна адаб'ецца на лясной прамысловасці.
Падутаў таксама адзначыў, што вытворчасць такіх дрэў у прамысловым маштабе будзе запатрабавана для дыверсіфікацыі паставак энерганосбітаў. У прыватнасці, хуткарослыя кланаваныя асіны і бярозы могуць служыць палівам для кацельняў. Інстытут таксама вырошчвае ясень, дуб і ліпу, якія будуць запатрабаваныя ў вытворцаў спажывецкіх тавараў з дрэва, напрыклад, у мэблевай галіне.
