“Патаемны пакой” адкрыецца ў Цэнтры сучасных мастацтваў

© Photo : прадастаўлена арганізатараміЭкспазіцыя "Патаемны пакой"
Экспазіцыя Патаемны пакой - Sputnik Беларусь
Падпісацца
Такія “пакоі” ёсць у кожнага, і часам яны замыкаюцца не толькі ад старонніх вачэй, але і ад самога іх уладальніка.

МІНСК, 16 сне — Sputnik.   Маштабная экспазіцыя будзе прадстаўлена ў 11 залах і будзе складацца з маляўнічых работ, тэматычных інсталяцый і фатаграфій аўтараў.

З 26 снежня 2015-га ў Нацыянальным цэнтры сучасных мастацтваў Рэспублікі Беларусь будзе працаваць выстава "Патаемны пакой" — вынік сумеснай працы вядомых беларускіх мастакоў Ганны Сілівончык і Васіля Пяшкуна.

© Photo : прадстаўлена арганізатараміЭкспазіцыя "Патаемны пакой"
Экспазіцыя Патаемны пакой - Sputnik Беларусь
Экспазіцыя "Патаемны пакой"

"Мы не ведаем, што за гэтымі дзвярыма. Пераход у іншую рэальнасць? Магчыма, што, ступіўшы за парог, мы ўпадзем ў бездань. А магчыма — трапім у найпрыгажэйшыя сады Эдэма. А можа быць і так, што за дзвярыма і зусім нічога няма. Проста сцяна", — распавядае мастачка Ганна Сілівончык.

© Photo : прадстаўлена арганізатараміЭкспазіцыя "Патаемны пакой"
Экспазіцыя Патаемны пакой - Sputnik Беларусь
Экспазіцыя "Патаемны пакой"

Па задумцы арганізатараў, "Патаемны пакой" — поле скрыжавання мноства сэнсаў. Гэта месца натхнення, своеасаблівы ўнутраны зацішны куток кожнага чалавека, дзе ён можа без усялякай засцярогі пабыць самім сабой, сам-насам са сваімі думкамі. Гэтую назву можна трактаваць і наадварот, як цёмную каморку — мясціну страхаў, крыўд і нявыкананых абяцанняў, які прасцей закідаць старызной і назаўжды пра яго забыць.

© Photo : прадастаўлена арганізатараміЭкспазіцыя "Патаемны пакой"
Экспазіцыя Патаемны пакой - Sputnik Беларусь
Экспазіцыя "Патаемны пакой"

Размах праекта дазваляе гледачу рушыць у падарожжа-гульню, паступова перамяшчаючыся ў прасторы і успрымаючы пакоі і іх змесціва як ланцуг узаемазвязаных элементаў, здольных сабрацца ў адзінае цэлае. 

 

  • Васіль Пяшкун нарадзіўся ў 1978 годзе ў Гомелі. Скончыў Гомельскае мастацкае вучылішча, Беларускую дзяржаўную акадэмію мастацтваў. Стыпендыят спецыяльнага фонду Прэзідэнта Рэспублікі Беларусь па падтрымцы таленавітай моладзі. Удзельнік шматлікіх рэспубліканскіх і міжнародных выстаў, а таксама больш за дзесяць персанальных. Член Беларускага саюза мастакоў.Працы Пяшкуна знаходзяцца ў прыватных калекцыях Беларусі, Расіі, ЗША, Ізраіля, Японіі, Італіі, Францыі, ў Нацыянальным мастацкім музеі Рэспублікі Беларусь, Музеі сучаснага рускага мастацтва ў Джэрсі-Сіці (ЗША) і іншых. Зараз мастак жыве і працуе ў Мінску. 
  • Ганна Сілівончык нарадзілася ў 1980 годзе ў Гомелі. Зараз жыве і працуе ў Мінску. З 1992 года па 1999 вучылася ў Рэспубліканскім ліцэі мастацтваў горада Мінска, а з 1999 па 2007 — у Беларускай дзяржаўнай акадэміі мастацтваў (аддзяленне станковага жывапісу). У 2008 годзе ўступіла ў Беларускі саюз мастакоў. Працы знаходзяцца ў Нацыянальным музеі Рэспублікі Беларусь, Музеі сучаснага мастацтва (Мінск, Беларусь), Музеі сучаснага рускага мастацтва (Джэрсі-Сіці, ЗША), фондах Гомельскага палацава-паркавага ансамбля (Гомель, Беларусь), прыватных калекцыях многіх краін.

 

Працы Ганны Сілівончык спараджаюць мноства алюзій, ствараюць адчуванне іррэальнага апавядання, якое дзякуючы казачным, былым прычтавым персанажам добра адгадваецца гледачом, але не счытваецца цалкам. Жывапіс Васіля Пяшкун асвяжае ўспрыманне знаёмых месцаў і прадметаў свежасцю і глыбінёй.

© Photo : прадастаўлена арганізатараміафіша да экспазіцыі "Патаемны пакой"
1/5
афіша да экспазіцыі "Патаемны пакой"
© Photo : прадастаўлена арганізатараміЭкспазіцыя "Патаемны пакой"
2/5
Экспазіцыя "Патаемны пакой"
© Photo : прадастаўлена арганізатараміЭкспазіцыя "Патаемны пакой"
Экспазіцыя Патаемны пакой - Sputnik Беларусь
3/5
Экспазіцыя "Патаемны пакой"
© Photo : прадастаўлена арганізатараміЭкспазіцыя "Патаемны пакой"
4/5
Экспазіцыя "Патаемны пакой"
© Photo : прадстаўлена арганізатараміЭкспазіцыя "Патаемны пакой"
5/5
Экспазіцыя "Патаемны пакой"
1/5
афіша да экспазіцыі "Патаемны пакой"
2/5
Экспазіцыя "Патаемны пакой"
3/5
Экспазіцыя "Патаемны пакой"
4/5
Экспазіцыя "Патаемны пакой"
5/5
Экспазіцыя "Патаемны пакой"

Імкнучыся захаваць бачанне натуры хуткімі экспрэсіўнымі мазкамі, Васіль Пяшкун беражліва падрыхтоўвае гледача да магчымасці зазірнуць у тое самае "акенца", праз якое "глядзеў" аўтар. Прастата і шчырасць, з якой мастак кліча вас у падарожжа, зачароўвае. Рэалістычнасць творчасці Васіля Пяшкуна арганічна суседнічае з метафарычнасцю работ Ганны Сілівончык, вызначаючы зварот да цяперашняга часу і месца, дзе жадаючы можа знайсці ўсё, што яму трэба, нават свой "Патаемны пакой".

Стужка навiн
0