МІНСК, 16 сне — Sputnik. Амерыканская кінастудыя Warner Bros. апублікавала першы трэйлер фільма "Фантастычныя звяры і месцы іх пражывання", які зняты па аднайменнай кнізе аўтара "Гары Потэра" Джоан Роўлінг.
Джоан Роўлінг — аўтар серыі кніг пра хлопчыка-чараўніка Гары Потэра, раманы пра якога былі надрукаваныя тыражом у амаль паўмільярда копій. "Фантастычныя звяры і месца іх пражывання" — апублікаваны Роўлінгам падручнік школы вядзьмарства і чараўніцтва Хогвартс. Рашэнне аб экранізацыі кнігі студыя Warner Bros прыняла неўзабаве пасля выхаду апошняй экранізацыі "Гары Потэра".
Галоўную ролю ў фільме сыграў Эдзі Рэдмэйн. Аўтары плануюць зняць трылогію, а рэжысёрам стужак выступіць рэжысёр апошніх фільмаў пра Потэра Дэвід Етс.
Бюджэт карціны пакуль не абвяшчаюць, аднак мяркуецца, што ён складзе не менш за 150 мільёнаў долараў ЗША, у сусветны пракат карціна выйдзе 11 лістападзе 2016 года. За год да прэм'еры студыя апублікавала першы трэйлер "фантастычных звяроў", у цэнтры сюжэту — прыгоды чараўніка Ньют Скамандэра. Дзеянні адбываюцца за 70 гадоў да нараджэння Гары Потэра.
