НЦСМ запрашае на настальгічны прагляд дыяфільмаў

© Sputnik / Евгений АнисимовНавагодні горад
Навагодні горад - Sputnik Беларусь
Падпісацца
Вечарына пад назвай “Усе хлопчыкі – зайчаты, а дзяўчынкі – усе сняжынкі” прысвечана тым, хто ў свой час слухаў плыткі, глядзеў з суседскімі дзецьмі дыяфільмы на прасцірадле, збіраў значкі з птушкамі ці маркі з жывёламі.

МІНСК, 16 сне — Sputnik. Нацыянальны цэнтр сучасных мастацтваў запрашае ў госці каб утульна сесці на бабулін дыван і, трускаючы мандарыны, паглядзець дыяфільмы.

Дыяфільмы адбіраліся такім чынам, каб можна было ўзгадаць тэматычную разнастайнасць фільмаў тых часоў.

"Гэта вечарына для тых, хто ў дзяцінстве слухаў плыткі, глядзеў з суседскімі дзецьмі дыяфільмы на прасцірадле, слухаў плыткі, збіраў значкі з птушкамі ці маркі з жывёламі, чытаў кнігі пра Рабінзона Круза ды марыў пра авоську з мандарынамі пад Новы год", —  распавядаюць арганізатары мерапрыемства.

У праграме мерапрыемства:

  • "Разумная жонка" (грузінская казка); 
  • "Чалавек падняўся ў неба" (навукова-пазнавальны фільм для дзяцей);
  • "На лодках у Трыдзевятае царства" (казка); 
  • "Пярынка Фініста Ясна Сокала"; 
  • "Як збіраць маркі" (стужка з серыі "Хобі"); 
  • "Паданне пра Лятучага Галанца";
  • "Котка, якая гуляла сама па сабе"; 
  • "Агітацыйнае мастацтва ў СССР";
  • "Дзе Віллі?".

Усе тытры дыяфільмы будуць чытаць прафесійныя акцёры. У праграме прагляду магчымыя змены.

У гэты вечар гасцям прапануюць прынесці дзіцячыя фотаздымкі ў навагодніх касцюмах — зайчыкаў, сняжынак і іншых персанажаў на міні-выставу, якая будзе ладзіцца ў фае Нацыянальнага цэнтра сучасных мастацтваў. Наведвальнікі мерапрыемства будуць мець магчымасць паўдзельнічаць у фотасушцы — для гэтага трэба прынесці на вечарыну фота на навагоднюю тэматыку (плёнкавым фотаздымкам аддаецца перавага).

Увесь вечар у зале будзе граць музыка тых часоў, а потым госці будуць частавацца гарбатай з ірыскамі.

Вітаюцца элементы адзення таго часу і розныя артэфакты савецкіх часоў (можна прынесці і пахваліцца сваімі калекцыямі: марак, значкоў, каляндарыкаў і г.д.).

Мерапрыемства адбудзецца 26 снежня ў Нацыянальным цэнтры сучасных мастацтваў (вул. Някрасава,3), пачатак а 18-й гадзіне, кошт квіткоў скаладае 80 тыс. рублёў. 

Стужка навiн
0