МІНСК, 17 сне — Sputnik. Беларуская авіякампанія "Белавія" адкрыла авіярэйс з Мінска ў Харкаў, паведамляе РИА Новости са спасылкай на прадстаўніка кампаніі.
"Сёння адкрываецца рэйс Мінск — Харкаў. Вылет з Мінска штодня будзе ў 13.20 і прыбыццё ў Харкаў ў 13.35 па мясцовым часе. Час у шляху — 1 гадзіна 15 хвілін. Зваротны рэйс вылятае з Харкава ў 14.25 і прыбывае ў Мінск у 16.35", — распавёў суразмоўца агенцтва.
Выконваць рэйсы будзе самалёт Boeing-737-500 умяшчальнасцю 125 пасажыраў.
Расія і Украіна прыпынілі з 25 кастрычніка прамыя авіязносіны. Раней беларускія авіяцыйныя ўлады выказалі гатоўнасць забяспечыць транзіт пасажыраў, якія накіроўваюцца ў напрамку паміж Расіяй і Украінай.
Па словах намесніка генеральнага дырэктара авіякампаніі "Белавія" Ігара Чаргінца, за гэты час пасажырапаток з Беларусі ва Украіну вырас больш чым у два разы.
З 22 снежня павялічваецца колькасць рэйсаў у Кіеў да чатырох, удакладніў прадстаўнік авіякампаніі.
