МІНСК, 21 сне — Sputnik. Прэм'ер-міністр Беларусі Андрэй Кабякоў лічыць, што імпартныя тавары ў беларускім гандлі могуць прысутнічаць, але прэферэнцый для іх быць не павінна.
У панядзелак прэм'ер-міністр прадставіў калектыву міністэрства гандлю новага кіраўніка ведамства Уладзіміра Калтовіча. Ён стаў адзіным новым міністрам у складзе Кабміна, зацверджаным прэзідэнтам у мінулы чацвер.
"Яны (імпартныя тавары) таксама павінны быць, але не павінна быць іх перавагі ў суадносенні да айчынных. Вы павінны забяспечыць добрасумленную канкурэнцыю ва ўсіх гандлёвых прадпрыемствах", — сказаў Кабякоў. Яго словы прыводзіць БелТА.
Кіраўнік урада падкрэсліў, што аб забароне на прысутнасць у гандлі імпартных тавараў гаворкі не ідзе.
У той жа час ён даручыў новаму міністру гандлі забяспечыць прысутнасць у гандлі беларускіх тавараў. "Вы павінны глядзець за тым, каб нашы гандлёвыя прадпрыемствы былі ў поўным аб'ёме насычаны беларускімі таварамі — тымі, якія вырабляюцца, адпавядаюць патрэбам, што прад'яўляюцца нашым пакупніком", — сказаў Кабякоў.
Ён паставіў задачу перад новым кіраўніком Мінгандлю абараніць унутраны рынак ад кантрафакту, ад тавараў, якія не адпавядаюць мерам эканамічнай палітыкі, прынятым у Беларусі.
"Неабходна, каб патрабаванні да айчынных і імпартных таварах былі па меншай меры не ў бок прэферэнцый у адносінах да імпарту. На сённяшнім этапе зрабіце хоць бы роўныя ўмовы", — сказаў ён.
Кабякоў таксама лічыць, што новае кіраўніцтва Мінгандлю павінна "інакш паглядзець" на ўзровень культуры ў гандлі, а таксама знайсці баланс паміж інтарэсамі дзяржавы і прыватнага бізнесу.
