МІНСК, 28 сне — Sputnik. Змены ў парадку выдачы дапамогі па часовай непрацаздольнасцi ў сувязі з няшчаснымі выпадкамі на вытворчасці і прафесійнымі захворваннямі плануецца ўвесці ў Беларусі, паведамілі Sputnik ў прэс-службе беларускага ўрада.
Такі пункт змяшчаецца ў пераліку мерапрыемстваў на 2016 год па рэалізацыі палажэнняў дырэктывы №4 "Аб мерах па ўмацаванні грамадскай бяспекі і дысцыпліны", які зацверджаны пастановай Саўміна №1065.
Як адзначаецца ў дакуменце, у выпадку калі работнік атрымаў траўму на вытворчасці, знаходзячыся ў стане алкагольнага ап'янення або пад уздзеяннем наркатычных, псіхатропных, таксічных і іншых адурманьваючых рэчываў, памер дапамогі для яго будзе зніжацца на 50%.
Пастанова Саўміна ўжо ўключана ў рэестр нарматыўных актаў на Нацыянальным прававым інтэрнэт-партале, аднак тэкст дакумента пакуль карыстальнікам рэсурсу недаступны.
