МІНСК, 29 сне — Sputnik. Фронтмэн і заснавальнік брытанскай хард-рок групы Motorhead Лемі Кілмістэр памёр на 71 годзе жыцця ад раку, паведамляецца на афіцыйнай старонцы гурта на Facebook.
"Наш моцны, выдатны сябар Лэмі сканаў сёння пасля нядоўгай барацьбы з надзвычай агрэсіўным ракам", — гаворыцца ў заяве ў Facebook.
Як паведамляецца на старонцы гурта, музыкант даведаўся пра сваю хваробу толькі 26 снежня. Музыкі просяць фанатаў "ўключыць музыку Лемі грамчэй" у памяць аб Лемі.
Паводле інфармацыі партала TMZ, Кілмістэра знайшлі дома з джойсцікам для відэагульняў ў руках.
Першы бубнач гурта Філ Тэйлар, які пакінуў Motorhead ў 1992 годзе, памёр ўсяго паўтара месяца таму.
Калектыў быў утвораны ў 1975 годзе басістам, вакалістам і аўтарам тэкстаў Янам Фрэйзер Кілмістэрам па мянушцы Лемі. Motorhead звычайна ўяўляў сабой трыа. Само слова "motorhead" на слэнгу пазначае людзей, апантаных яздой на матацыклах.
