МІНСК, 29 сне — Sputnik. Прэзідэнт Украіны Пётр Парашэнка падпісаў указ, які прадугледжвае стварэнне дзяржаўнага канала Ukraine Tomorrow, паведаміла прэс-служба прэзідэнта краіны.
Раней урад Украіны прыняў рашэнне аб стварэнні Ukraine Tomorrow. Тэлеканал будзе трансляваць на англійскай, украінскай і рускай мовах. Яго мяркуецца стварыць на базе дзяржаўнай тэлерадыёкампаніі "УТР" і дзяржаўнага інфармагенцтва "Укрінформ".
Мэтай стварэння тэлеканала з'яўляецца забеспячэнне доступу замежнай аўдыторыі, у тым ліку ўкраінскай дыяспары за мяжой, да аб'ектыўнай, актуальнай і поўнай інфармацыі пра падзеі ў краіне. Аўтары закона лічаць, што стварэнне канала дазволіць абараніць нацыянальныя інтарэсы Украіны за мяжой, фарміраваць і падтрымліваць станоўчы імідж краіны ў свеце "шляхам аператыўнага, аб'ектыўнага інфармавання аб падзеях на Украіне".
Тэлеканал будзе фінансавацца дзяржавай, пры гэтым падкрэсліваецца, што на гэта будзе выдзелена не менш 0,06% выдаткаў агульнага фонду дзяржбюджэту Украіны. Закон уступіць у сілу з дня, наступнага за днём яго апублікавання ў афіцыйнай прэсе.
Раней паведамлялася, што на Украіне плануецца стварэнне "інфармацыйных войскаў". Па словах кіраўнік МЗС Украіны Паўла Клімкіна, урад мае намер стварыць інстытут прапаганды краіны за мяжой. Дарадца прэм'ер-міністра краіны Данііл Лубкіўскі паведаміў, што ўрад мае намер распрацаваць канцэпцыю папулярызацыі Украіны ў свеце.
