МІНСК, 5 сту — Sputnik. Расійскія канькабежцы засталіся задаволеныя якасцю лёду стадыёна на "Мінск-Арэне", заявіў двухразовы чэмпіён свету на дыстанцыі 1500 метраў Дзяніс Юскоў.
Спартсмены ў панядзелак правялі першую трэніроўку на лёдзе ў Мінску перад стартам кантынентальнага першынства, якое пройдзе ў беларускай сталіцы 9-10 студзеня.
"У Мінску марозна, надвор'е прыкладна як у Маскве. Ужо выходзілі на лёд. Лёд мне ў прынцыпе спадабаўся. Сказалі, што да спаборніцтваў лёд будзе яшчэ лепш. Пакуль на лёдзе нікога не было — мы, палякі і іспанец", — цытуе агенцтва "Р-Спорт" Юскова.
Па словах канькабежца, у Мінск апроч яго прыехалі яшчэ пяць спартсменаў. "Мы прыехалі, як і планавалася, ўшасцёх, без запасных", — сказаў ён.
Так, у складзе зборнай Расіі акрамя Юскова на чэмпіянат Еўропы паехалі Сяргей Гразцоў, Вольга Граф, Наталля Вароніна і дэбютанты турніру Сяргей Трафімаў і Лізавета Казеліна.
Міжнароднае інфармацыйнае агенцтва і радыё Sputnik Беларусь з'яўляецца інфармацыйным партнёрам чэмпіянату Еўропы па канькабежным спорце 2016.
