МІНСК, 5 сту — Sputnik. Два наклады немаўклівага календара — а гэта 7 000 асобнікаў — у большасці крамаў скончыліся за некалькі дзён да Новага году, паведамляе таварыства "Будзьма беларусамі!"
Таму ад 6 студзеня яшчэ 1 000 асобнікаў — а гэта 366 тысяч адметных беларускіх словазлучэнняў у вясёлых малюнках мастачкі Дар'і Мандзік — чакаюць вас у кнігарнях па ўсёй Беларусі. У хуткім часе выйдзе трэці наклад яркага, пазнавальнага календара "Не маўчы па-беларуску" на 2016 год, паведамляе кампанія "Будзьма беларусамі!".
Чытачам таксама даступна і мабільная версія календара, якую зрабіла і адаптавала на 2016 год Студыя Ігара Назаранкі.
Разам з календарамі ў кнігарнях з'явіцца і дапастаўка лепшага святочнага падарунка для дзетак — кнігі "Пэтсан і Фіндус святкуюць Каляды".
Адрасы кнігарняў у Мінску, дзе можна набыць "немаўклівыя" календары:
- “Акадэмкніга” (пр-т Незалежнасці, 72);
- кнігарня “логвінаЎ” (пр-т Незалежнасці, 37А);
- крама “Symbal.by"(пр-т Незалежнасці, 58; 3 паверх Маскоўска-Венскага гандлёвага цэнтра);
- “Кніжная шафа” (пр. Дзяржынскага, 9);
- “Кнігарня пісьменніка” (вул. Казлова, 2);
- “Веды” (вул. К.Маркса, 36);
- “Светач” (пр-т Пераможцаў, 11);
- “Цэнтральны кніжны” (пр-т Незалежнасці, 19);
- “Кнігі & кніжачкі” (пр-т Незалежнасці, 14);
- Кніжная выстава-кірмаш “Мир книг” (вул. Янкі Купалы, 27);
- “Эўрыка” (вул. Куйбышава, 75), этнакрама “Рагна” (вул. Сухая, 4).
