МІНСК, 9 сту — Sputnik. Даследнікі з Эксэтэрскага ўніверсітэта шукалі прычыну пераядання і зрабілі выснову, што віной усяму — наша падсвядомасць. Адказным за назапашванне тлушчу прызнаны эвалюцыйны механізм, паведамляе часопіс Phys.org.
Як лічаць спецыялісты па тэорыі эвалюцыі, у далёкім мінулым лішняя вага не была пагрозай для выжывання. Значна больш пытанняў у нашых продкаў выклікаў хударлявы целасклад. Першапачаткова арганізм чалавека быў уладкаваны так, што да зімы ён назапашваў тлушчы, каб лягчэй перанесці суровую пару.
"Цалкам магчыма гэтым можна растлумачыць феномен навагодніх застолляў. Мы ж усе ў святы шмат ядзім, а часцяком занадта шмат. Дадайце яшчэ нашы абяцанні пачаць новы год з дыеты, якія на дзевяноста адсоткаў невыканальныя", — патлумачылі аўтары даследавання. Таксама навукоўцы адзначылі, што ў ходзе эвалюцыі ў чалавека аслабеў апетыт.
