Чэмпіянат Еўропы па канькабежным спорце стартаваў у Беларусі

© Sputnik / Григорий Сысоев / Перайсці ў медыябанкКонькобежец в мужском забеге
Конькобежец в мужском забеге - Sputnik Беларусь
Падпісацца на
НовостиTelegram
Беларусь на турніры прадставяць Марына Зуева, Таццяна Міхайлава і Віталь Міхайлаў.

МІНСК, сту 9 — Sputnik. Чэмпіянат Еўропы па канькабежным спорце стартуе сёння ў Мінску, паведамляе Sputnik.

Беларусь упершыню прымае кантынентальнае першынство. Спаборніцтвы пройдуць 9-10 студзеня. Чэмпіянат па праве можна лічыць гістарычным, таму што гэта апошні турнір, у якім пераможца будзе вызначацца па суме класічнага мнагабор'я.

Урачыстае адкрыццё ЧЕ па канькабежным спорце адбудзецца ў 14:30 на канькабежным стадыёне на базе МКСК "Мінск-Арэна". Асноўная праграма спаборніцтваў стартуе ў 15:00 і завершыцца ў 20:00. У нядзелю — з 15:00 да 19:00.

Прэстыжны турнір збярэ лепшых канькабежцаў і заўзятараў з больш чым дваццаці краінаў: Галандыі, Італіі, Германіі, Нарвегіі, Расіі, Чэхіі і іншых еўрапейскіх краінаў. Беларусь на турніры прадставяць Марына Зуева, Таццяна Міхайлава і Віталь Міхайлаў.

"Паколькі турнір праводзіцца ў дні калядных святаў, у кожны спаборніцкі дзень у будынку веладрома будзе арганізавана праца фан-зоны. Усіх, хто прыйдзе сачыць за барацьбой на лядовых дарожках, чакае вялікая сямейнае святочнае шоў: танцавальныя і вакальныя конкурсы, канцэрт альтэрнатыўнай музыкі, катанне на ролікавых каньках", — распавялі ў Sputnik ў прэс-службе НАК Беларусі, дадаўшы, што ўсіх тых, хто прыйшоў чакаюць прыемныя прызы і падарункі.

Міжнароднае інфармацыйнае агенцтва і радыё Sputnik Беларусь з'яўляецца інфармацыйным партнёрам чэмпіянату Еўропы па канькабежным спорце 2016.

Стужка навiн
0