МІНСК, 12 сту — Sputnik. Моцныя снегапады ствараюць нямала праблем для дарожных службаў, аднак яны вельмі карысныя для глебы і раслін, распавёў Sputnik супрацоўнік Навукова-практычнага цэнтра НАН Беларусі па земляробству кандыдат біялагічных навук Канстанцін Шашко.
Кожная атмасферная з'ява, па словах навукоўца, так ці інакш задзейнічана ў кругазвароце ўсяго жывога на Зямлі. Багаты снегапад, які накрыў Беларусь сёння таму не выключэнне.
"Галоўны і першы плюс багатых снегападаў заключаецца ў тым, што снег атуліць нізкарослыя расліны ад нізкіх тэмператур. Карысць заключаецца яшчэ і ў тым, што глеба атрымае вялікую колькасць вільгаці, якая вельмі патрэбна раслінам вясной для хуткага прарастання", — распавёў Sputnik Шашко.
Аднак бывае і так, што меркаваны плюс можа змяніцца на мінус. "Але калі снежнае покрыва перавысіць 20 сантыметраў і праляжыць больш за 60 дзён, то гэта можа прывесці да знясілення раслін і развіццю так званай снежнай цвілі", — растлумачыў суразмоўца Sputnik.
Ён таксама дадаў, што верагоднасць таго, што снежная шапка будзе знаходзіцца над глебай так доўга, вельмі нізкая, а таму ўвесь снег, які зараз выпаў, пойдзе на карысць.
Навуковец адзначыў яшчэ адзін важны фактар, пры якім расліны ўзрадуюцца вільгаці — гэта паступовы і мяккі надыход вясны. Дзякуючы павольнаму раставанню ўся вільгаць ўбярэцца. Але калі рэзка пацяплее, то большасць яе проста сцячэ ў вадаёмы.
У той час як навукоўцы разглядаюць снегапады асабліва з пункту гледжання навукі і іх практычнасці, на гэты конт ёсць меркаванне і ў простага народа. Такія завірухі і завеі зусім не выключэнні для зімы, а таму стыхія абзавялася ўласнымі, "народнымі" прыказкамі.
Бо не проста так былі прыдуманы прыказкі "дзе зіма без снегу — там і лета без хлеба", ці "больш снегу на палях — больш хлеба ў засеках". А прыказка "снегу надзьме — хлеба прыбудзе, вада разальецца — сена набярэцца" і зусім пацвярджае тэзісы навукоўца.
Па народным календары 12 студзеня — гэта дзень Аніссі Жывотніцы. У старажытнасці нашы далёкія продкі ў гэты дзень варылі свіныя страўнікі і рэзалі гусакоў. Як ні дзіўна, жывёльную трыбухі варылі не столькі для пражытка, колькі для знахароў, якія маглі з дапамогай яе разважаць аб далейшых метэаралагічных прагнозах. Так, калі звараная селязёнка роўная і гладкая, то студзень і люты будуць халоднымі. А калі частка селязёнкі, якая размешчана бліжэй да спіны, танчэй, холаду наступяць ў самым канцы зімовага сезону. Калі печань тоўстая ў сярэдзіне — мароз ударыць ў сярэдзіне зімы. Шырокая да спіны печань — трэба чакаць маразоў у канцы зімы.
