МІНСК, 13 сту — Sputnik. Колькасць населеных пунктаў, якія знаходзяцца ў зонах радыёактыўнага забруджвання, зменшылася на 203 — адпаведнае рашэнне прыняў беларускі ўрад, паведаміла ў сераду прэс-служба Савета міністраў Беларусі.
Дакумент, якім зацверджаны новы пералік населеных пунктаў і аб'ектаў, якія знаходзяцца ў зонах радыёактыўнага забруджвання, Саўмін прыняў 11 студзеня.
"Згодна з пералікам да зон радыёактыўнага забруджвання адносяцца 2193 населеныя пункты. У параўнанні з пералікам, зацверджаным у лютым 2010 года, колькасць населеных пунктаў, якія знаходзяцца ў зонах радыёактыўнага забруджвання, памяншаецца на 203", — сказалі ў прэс-службе.
Там таксама адзначылі, што агульная колькасць насельніцтва, якое пражывае ў гэтых населеных пунктах, складае 30912 чалавека.
Акрамя таго, дакументам прадугледжаны пераклад 133 населеных пунктаў у менш жорсткія зоны забруджвання, што абумоўлена змяншэннем шчыльнасці забруджвання глеб радыёнуклідамі і зніжэннем сярэдніх гадавых доз апрамянення.
