МІНСК, 14 сту — Sputnik. Звароты мінчан з прапановай штрафаваць аўтааматараў, якія паркуюць свае аўтамабілі ля пад'ездаў дамоў у Мінску, пачалі паступаць у сталічную Дзяржаўтаінспекцыю, паведамілі Sputnik ва УДАІ Мінгарвыканкама.
У сталіцы працягваюцца работы па ліквідацыі наступстваў цыклона "Даніэла" — цэнтральныя вуліцы ўжо прыбраныя ад снегу, камунальная тэхніка пачала працаваць у дварах жылых дамоў.
"У аддзел ДАІ Кастрычніцкага РУУС паступаюць звароты грамадзян, аб тым, што прыпаркаваныя аўтамабілі ў дварах перашкаджаюць перасоўвацца пешаходам, вымушаюць іх рухацца па дарозе, а не па тратуарах і пешаходных дарожках. Жыхары дома №68, размешчанага па вуліцы Ландэра, нават папрасілі прыняць меры да парушальнікаў, якія пакідаюць свае аўто прама ля выхаду з пад'ездаў", — сказаў Sputnik прэс-афіцэр Кастрычніцкага РУУС Леанід Ушэнін.
У ДАІ падкрэслілі, што прыпаркаваныя ўздоўж праезнай часткі і на ходніках машыны, якія замінаюць снегаўборачнай тэхніцы, будуць эвакуіраваны.
