МІНСК, 15 сту — Sputnik. Пункт спрошчанага пропуску "Лоша" на беларуска-літоўскай мяжы перастане быць міжнародным з 15 студзеня, паведамілі Sputnik ў прэс-службе Дзяржаўнага памежнага камітэта.
Статус міжнароднага пункт пропуску атрымаў 15 снежня ў якасці эксперыменту, мэтай якога была падрыхтоўка да канчатковай змены статусу пункта.
"У 20.00 15 студзеня 2016-га ў пункце спрошчанага пропуску "Лоша" заканчваецца эксперымент, які праводзіўся з мэтай падрыхтоўкі да змены яго статусу на міжнародны і разгрузкі міжнародных аўтадарожных пунктаў пропуску "Каменны Лог" і "Катлоўка" ў перыяд навагодніх і Калядных святаў", — паведамілі ў ДПК.
Суразмоўцы агенцтва дадалі, што з 16 студзеня перасекчы мяжу ў ПП "Лоша" змогуць толькі асобы, якія пастаянна пражываюць у населеных пунктах, якія непасрэдна прылягаюць да беларуска-літоўскай дзяржаўнай мяжы, транспартныя сродкі, зарэгістраваныя ў Беларусі і Літве.
"Перамяшчаць тавары (рэчы) дазваляецца ў колькасці, якi не перавышае нормы іх ўвозу, устаноўленыя прававымі актамі, якія дзейнічаюць на тэрыторыях дзвюх краін", — дадалі ў Дзяржпагранкамітэце.
Там падкрэслілі, што статус пункта спрошчанага пропуску "Лоша" ("Шумскас") будзе зменены на міжнародны пасля выканання Беларуссю і Літвой неабходных унутрыдзяржаўных працэдур.
