МІНСК, 16 сту — Sputnik. Супрацоўнікі кампаній BBC і Shazam распрацавалі бясплатнае прыкладанне, якое дазваляе знайсці музычныя гарады-пабрацімы.
Новы сэрвіс дазваляе даведацца, якім музычным кампазіцыям аддаюць перавагу жыхары горада і ў якіх гарадах супадаюць.
Да прыкладу, ТОП-3 Мінска складаецца з песень гурта Imany, Сэма Сміта і Арцёма Піваварава. Дакладна такія ж перавагі ў жыхароў гарадка Балакава у Саратаўскай вобласці Расіі.
Жыхары Віцебска могуць пахваліцца музычным брацтвам з расійскім Уладзівастокам — у гэтых гарадах у трэндзе гурт Iyeoka, спявак Мікіта Аляксееў і ўжо згаданая група Imany.
Музычныя густы магілёўцаў супадаюць з меламанамі Северадзвінска (Архангельская вобласць Расіі): Рамана Bestseller, Адэль і Аляксей Вараб'ёў.
Гродна можа пахваліцца брацтвам з расійскім Хабараўскам: у абодвух гарадах часцей слухаюць Робіна Шульца і Дзюка Дзюмонта.
Брэст апынуўся падобны на горад Надым (Ямала-Ненецкая аўтаномная акруга Расіі) — іх аб'яднала любоў да груп Kwabs і Lost Frequencies.
Гомель апынуўся на адной музычнай лініі з Новакузнецкам, Баранавічы — з Табольскам, Мазыр — з Чэлябінскам, Орша — з Апатытамі, Маладзечна — з Выбаргам, Барысаў — са Старым Асколам, Ліда — з Таганрогам.
Адзіным выключэннем з беларуска-рускага музычнага братэрства з'яўляецца Бабруйск: "блізнюк" па музычным гусце ў яго — кітайскі Харбін, у абодвух гарадах часцей за ўсё слухаюць гурты ONUKA, Molly і Еву Сіманс.
