МІНСК, 20 сту — Sputnik. Добраахвотныя народныя дружыны будуць дапамагаць кантралёрам грамадскага транспарту з красавіка, паведамілі Sputnik ў ГП "Мінсктранс".
Брыгады дружыннікаў пачнуць працаваць з 1 красавіка. Спачатку плануеце сфармаваць 10 мабільных брыгад.
"Пытанне яшчэ ў распрацоўцы. Дакладнай інфармацыі яшчэ няма", — паведамілі ў "Мінсктрансе", але пацвердзілі, што брыгады сапраўды плануецца фарміраваць.
Хто будзе ўваходзіць у лік дружыннікаў — пакуль што невядома.
"Верагодна, з ліку супрацоўнікаў прадпрыемства ў першы час", — сказалі ў арганізацыі. Плануецца, што дружыннікі будуць мець права затрымаць "зайца" і даставіць для складання пратаколу ў міліцыю, на што не маюць права кантралёры.
Акрамя гэтага ў "Мінсктрансе" адзначылі, што сталічных рэвізораў аснасцяць відэарэгістратарамі, што дапаможа вырашыць спрэчныя пытанні з пасажырамі. Запіс у памяці рэгістратараў будзе захоўвацца да 30 сутак.
Зараз у Мінску працуюць 180 кантралёраў, летась яны аштрафавалі 92 тысячы безбілетнікаў.
Таксама ў "Мінсктрансе" паведамілі, што з лютага праязныя квіткі на сталічны транспарт можна будзе купіць з любога ліку, а да канца года плануецца ўвесці пагадзінныя і сутачныя праязныя.
