МІНСК, 25 сту — Sputnik. Дызайнер Аляксандр Чэрэнкевіч абагульніў веды пра Беларусь у інфаграфіке.
"Два гады таму я вырашыў, што мне трэба абнавіць у памяці гісторыю сваёй краіны. Ужо ў XVI стагоддзі ў мяне ўсё змяшалася ў галаве. Я падумаў, што мне патрэбен мануал, на якім я ўбачу паслядоўнасць кіраўнікоў, падзей і змены тэрыторый. Тут маё дызайнерскае "я" кажа: хэй, зрабі з гэтага інфаграфіку, дзядзька. І тут я зразумеў, што гэта захапляльнае даследаванне і цікавая дызайн-задача", — распавядае дызаёнер на сваёй старонцы ў Facebook.
Па ходзе справы аказалася, што гэта яшчэ і шмат працы з тэкстам, з якімі сам аўтар не спраўляўся і звярнуўся за дапамогай. Праект дапамагалі рэалізоўваць Яўген Шпілеўскі, Ганна Шыраева, Віктар Якунін, Павел Кедыч. Мэта праекта — расказаць пра гісторыю Беларусі, не займаючы палітычных пазіцый і не звяртаючыся да правакацыйных фактаў. Крыніцай для інфаграфікі стала "Iлюстраваная гiсторыя. Краiна Беларусь" Уладзiмiра Арлова.
