МІНСК, 26 сту — Sputnik. Навуковец-кібернетык і матэматык Марвін Мінскі памёр у Бостане на 88-м годзе жыцця, паведамляе выданне The New York Times.
Паведамляецца, што Мінскі памёр ад мазгавога кровазліцця. За сваё жыццё вучоны Мінскі паспеў правесці некалькі ўдалых эксперыментаў з маніпулятарамі, абсталяванымі тактыльныя датчыкамі, і распрацаваць складаныя кампутарныя сеткі, на якіх адпрацоўваліся прынцыпы працы штучнага інтэлекту. Лічыцца, што менавіта ён стаў адным з піянераў сучаснай робататэхнікі.
Апроч працы над канструкцыяй робатаў навуковец зрабіў вялікі ўнёсак у развіццё сістэм штучнага інтэлекту, у прыватнасці, распрацаваў у 1951-м першую штучную нейронную сетку Snarc. У далейшым навуковец займаўся стварэннем штучнага розуму і адмыслова для гэтага ў 1959 годзе адкрыў Лабараторыю штучнага інтэлекту на базе Масачусецкага тэхналагічнага інстытута (MIT).
Эксперты лічаць, што сучасная камп'ютэрызацыя свету шмат у чым абавязаная гэтаму чалавеку, які і стварыў аснову для яе функцыянавання.
У апошнія гады жыцця прафесар працягваў выкладаць ва ўніверсітэце і працаваць над кампутарным мадэляваннем чалавечага арганізма. Яго заключныя даследаванні былі прысвечаны праблеме імітацыі чалавечых эмоцый з дапамогай кампутараў.
Сусветнай навуковай супольнасцю працы прафесара Мінскага былі прызнаныя выбітнымі.
