МІНСК, 27 сту — Sputnik. Ледзяны дождж абрынуўся ў аўторак на Мінск, у сувязі з чым МНС раіць грамадзянам быць асцярожнымі, паведаміў Sputnik прэс-сакратар Мінскага гарадскога ўпраўлення МНС Віталь Дэмбоўскі.
"Варта быць абачлівымі, таму што ў такое надвор'е можна паслізнуцца ў любым месцы і атрымаць траўму, бо ўсе дарогі адразу апрацаваць немагчыма", — сказаў Дэмбоўскі.
Ён адзначыў, што аўтамабілістам пры магчымасці лепш ўстрымацца ад паездак на асабістым транспарце.
"Што тычыцца двухколавага транспарту, то тут і казаць няма чаго, лепш пакуль забыцца пра яго", — дадаў суразмоўца агенцтва.
Пры гэтым ён параіў пешаходам не хадзіць каля праезнай часткі, каб пазбегнуць падзення на яе, і адзначыў, што ў выпадку, "калі вы заўважылі, што ўпаў чалавек, неабходна аказаць яму дапамогу і пры неабходнасці выклікаць медыкаў".
"Пажылым людзям лепш не выходзіць з хаты, каб пазбегнуць траўміравання", — дадаў Дэмбоўскі, заўважыўшы, што частай траўмай пры падзенні ў галалёд з'яўляецца, пералом шыйкі сцягны, што для пажылых можа быць вельмі балючым "і нават смяротным".
Акрамя гэтага Дэмбоўскі заклікаў неабыякавых грамадзян па магчымасці самім пасыпаць соллю падыходы да пад'ездах дамоў і прыступкі..
